محکمہ موسمیات کی تازہ ترین رپورٹ - 19- 01- 2025

 

انتباہ:

• آج چاغی، نوشکی، خاران، پشین ،قلعہ عبداللہ اور کوئٹہ میں بارش کے باعث فلیش فلڈنگ کا اندیشہ۔

• کوئٹہ، زیارت، چمن، پشین، قلعہ عبداللہ اور قلعہ سیف اللہ میں سڑکوں کے بند ہونے اور پھسلن کی وجہ سے ٹریفک کی روانی 

میں خلل کا اندیشہ۔

اتوار کے روز شما لی /مغربی بلوچستان، خیبر پختونخوا ،گلگت بلتستان،اسلام آباد،خطہ پوٹھوہار،کشمیر،مری اور گلیات میں تیز ہوائیں /جھکڑچلنے کے ساتھ بارش /برفباری کی توقع۔ ملک کے دیگر علاقوں میں موسم سرد اور خشک جبکہ بالائی علاقوں میں شدید سرد اور مطلع ابر آلود رہنے کا امکان ۔تاہم پنجاب کے بیشتر اضلاع ، با لا ئی سندھ اور خیبر پختونخوا کے میدانی علاقوں میں رات کے اوقات میں درمیانی سے شدید دُھند چھائے رہنے کی توقع۔

پیر کے روز ملک کے بیشترعلاقوں میں موسم سرد اور خشک جبکہ بالائی علاقوں میں شدید سرد اور مطلع ابر آلود رہنے کا امکان ۔تاہم شمال مغربی بلوچستان، بالائی خیبر پختونخوا ،گلگت بلتستان، کشمیر اور ملحقہ پہاڑی علاقوں میں تیز ہوائیں /جھکڑچلنے کے ساتھ بارش /برفباری کی توقع۔ پنجاب کے بیشتر اضلاع ، با لا ئی سندھ اور خیبر پختونخوا کے میدانی علاقوں میں صبح /رات کے اوقات میں درمیانی سے شدید دُھند چھائے رہنے کی توقع۔

گذشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اورمطلع جز وی ابر آلود رہا۔ پنجاب کے بیشتر اضلاع اور با لا ئی سندھ میں درمیانی سے شدید دُھند چھائی رہی۔ تاہم بلوچستان میں چند مقامات پر گرج چمک کے ساتھ بارش/برفباری ہوئی۔

سب سے ذیادہ بارش )ملی میٹر ): دالبندین 24،پشین 17،کوئٹہ (سٹی 13، سمنگلی 10)، نوکنڈی 07،قلات 04 اور پنجگور میں 01 ملی میٹر ریکارڈ ہوئی۔ اس دوران زیارت 02اور کوئٹہ میں 01انچ برفباری ریکارڈ کی گئی۔

آج ریکارڈکئے گئے کم سےکم درجہ حرارت: لہہ منفی 09،گوپس منفی06، اسکردو، مالم جبہ منفی 04، استور، ہنزہ اور پاراچنار میں منفی 03 ڈگری سینٹی گریڈ ریکارڈ کیا گیا۔